أيـن ذهـب حـيـاء الـبـنـات
حاليا راح الحياء من نسبه كبيرة من البنات منهم من ترفع صوتها فى الطريق وفي وسط الشباب ومنهم من تضحك بصوت عالى ومنهم من تدخن الشيشه ومنهم من تعطى رقمها للشاب بكل سهوله حتى بدون مايطلب منها ومنهم من تقول للشاب بحبك ومقدرش اعيش من غيرك وتبكى له وهو يكون مرتبط بواحده تانيه ومنهم من تقول للشاب انتا امور ووسيم وجميل بدون اى كسوف او حياء ومنهم من تقول او تكتب اسمها عاشقه تامر او عاشقه بيكهام مع ان العشق حاجه والاعجاب حاجه تانيه خالص ؛
ومنهم فى ستار اكاديمى تتعرى وترقص وتسمح للشباب يلمسوها ويحضنوها ويقبلوها وهم فى قمه عدم الحياء وبنات كتير بقت هى اللى بتعاكس الشباب ؛ وبنات تترمى فى احضان بعض المطربين؛ وكتير متحجبات ومع ذلك لبسهم ضيق او للاسف عارى زمان كانت لما البنت تيجى عنيها فى عين الشاب كانت تلفت نظرها بعيد او تحط عنيها فى الارض ادب وخجل ولكن اليومين دول البنت حتى وهى بتكلم الشاب تبقى حطه عيونها فى عيونه وكمان تكون واقفه قريب جدا منه ناهيك بقى عن البنات اللى بتسمح للشاب انه يحط ايده على كتفها وهما ماشيين ودى انتشرت جدا وبقوا يسمحوا عادى جدا ان الشاب يهزر معاهم بالايدى وده منتشر جدا فى الجامعات ؛ و للاسف نسبه كبيره من البنات اصبحن اكتر جرأة من الشباب
الخجل وهو السمه المميزه للفتاه ، يبدو ان عددا غير قليل من الفتيات اصبحن يرين فيه "موضه قديمه" ويعتبرن ان لا مكان في هذا العصر للخجل . فنحن في زمن يتطلب الفتاه الجريئه المقتحمه التي تعيش حياته بطريقتها " ومش ضروري ان تتفق مع ضوابط وقيود يضعها الاخرون، ولا يكون لها شأن بالمتطلبات العمليه للحياه".
(( حياء الفتاة جمالها الذي لا جمال لها سواه ))
وهل ياشباب هنتعب على ما نلاقى البنت المحترمه اللى تصلح تكون زوجه صالحه ؟؟
وفى النهايه انا لا اقول ان الحياء قل من كل البنات
وانما من نسبه منهم
الثلاثاء يونيو 30, 2009 8:48 am