في القلب دمعة ( إلي روح المهندس أحمد عصام سالم )
--------------------------------------------------------------------------------
في القلب دمعة
لأ دمعتين
على أحلى شمعة
وشموع سنين
آه من الألم ويا الحنين
آه من بكا القلب الحزين
ولا السهر ويا الأنين
يا قلبي صبرك على المسكين
يا قلبي امسح دمعك الحين
وكفاية حزن كفاية أنين
غرد مع طيور الصباح
واملأ حياتك باليقين
في القلب هيعيش أحمد أكيد
أعمال من الخير يوصل ثوابها
هتخلي عمره هيزيد سنين
يارب فرج كربنا
وكربات المسلمين
يارب صبّر قلبنا
وقلب كل المبتلين
*****************
الناس ليها وطن
وأنا ليّ وطنين
بلدي اللي فيها أنا اتولدت
وبلدي اللي عشت فيها سنين
أجمل سنين العمر آه
بين أهلها الطيبين
هي الإمارات دايما كدة
بتقدر اللي بيكون أمين
حبيتها أيوا وعشقتها
وبحن ليها في كل حين
أيامي فيها كانت جميلة
وحبايبي فيها مش ناسيين
حبي لهم على حبهم
في القلب بيزيد الحنين
في القلب بيزيد الحنين
الجمعة ديسمبر 03, 2010 8:46 pm